General Health

Apni Eyes Ko Beautiful Kaise Banaye Ke Upay- Healthy Wellness

Apni Eyes Ko Beautiful Kaise Banaye Ke Upay

Apni Eyes Ko Beautiful Kaise Banaye Ke Upay: Duniya kee tamaam rangeeniyaan, raunak aur khoobasooratee tabhee tak hai, jab tak ki ye aankhen salaamat hain, isalie aankhon ko svaasthy aur saundary ka aaeena maana gaya hai. khoobasoorat aankhon ko paane ke lie laaparavaahee se bachana hoga aur inakee suraksha karanee hogee. aap apanee aankhon kee sahee prakaar se dekhabhaal karen aur aankhon ke mekap ke sahee tareeke kee jaanen to aap khud mahasoos karane lagengee ki aapakee aankhon ko naya jeevan mil gaya hai |

Hamaaree aankhon kee kaaryavidhi aur sanrachana kaaphee jatil hai. aankhon ke maamale mein hamen laaparavaahee aur prayog se bachana chaahie, kyonki jara-see chook badee pareshaanee ka kaaran ban sakatee hai. ham hamesha aapako harbal, aayurvedik aur ghareloo kaasmetik ke prayog karane ke lie salaah dete hai lekin kaee logo ke paas inhen banaane aur upayog karane mein lagane vaale samay kee kamee hotee hai isalie vo kuchh redimed samaadhaan dhoondhate hai is post mein khoobasoorat aankhon ke lie inheen sab baato ko dhyaan mein rakhakar jaanakaariyaan dee gaee hai |

Apni Eyes Ko Beautiful Kaise Banaye Ke Upay

Kaee striyaan khoobasoorat aankhon ke lie doston ke kahane par ya kosmetik bechane vaale ke kahane par aaee mekap prodkts khareed letee hai jinake istemaal se kuchh samay ke lie to aankhen khoobasoorat dikhane lagatee hai, lekin isake prabhaav se aankhon se sambandhit kaee prakaar kee samasyaon ka saamana karana pad sakata hai. aankhen anamol hain, inake maamale mein daam dekhakar samajhauta nahin karana chaahie, thode adhik paise lag bhee jaen to isakee paravaah na karen. khoobasoorat aankhon ke lie hamesha achchhee kism ke kosmetik hee khareeden. achchha hoga ki in utpaadon ke vishay mein kosmetiks visheshagy kee salaah le len athava aisee jagah se kosmetik khareeden, jis par aapako yakeen aur pakka bharosa ho .

Jaisa kee aapako andaaja hoga kee aankhon mein ek lens hota hai. lens ke neeche-oopar palaken hotee hain, jo jhapak-jhapakakar tasveeron ko kaid bhee karatee hain aur aankhon ko suraksha pradaan bhee karatee hain. in palakon par barauniyaan hotee hain. bolatee khoobasoorat aankhon ke lie inhen hee mekap se sajaaya sanvaara jaata hain. mekap sambandhee samasyaen aur unake samaadhaan mein aankhon ka mekap kis prakaar se karana chaahie, is vishay ke sambandh mein aap hamaare puraane post padh sakatee hai jiname kaaphee vistaar se bataaya gaya hai.

Aankhon se sambandhit kaee samasyaen hain, jinamen se ek hai daark sarkal yaanee kaale ghere. ye samasya kaee kaaranon se ho sakatee hai, jaise shareer mein kisee vitaamin ya any kisee poshak tatv kee kamee ka hona, neend na aana, maanasik tanaav ya phir kisee ko aanuvaanshik kaaran bhee ho sakata hai. dekha jae to pichhale kaee saalon mein yah samasya behad aam ho gaee hai, kyonki aaj kee is bhaagadaud vaalee jindagee mein kampyootar smaart fon tee vee. hamaare jeevan ka ek aham hissa ban chuka hai.

Hamaara adhikaansh samay isee ke saath gujarata hai. kampyootar se nikalane vaalee roshanee se hamaaree aankhon par kaaphee asar hota hai, jis kaaran aankhon ke neeche kaale ghere kee samasya utpann hotee hai. in kaale gheron kee vajah se vyakti thaka hua aur umradaraaj bhee nazar aata hai. isake alaava badhatee umr mein hone vaale badalaav bhee khoobasoorat aankhon ke lie pareshaanee ka kaaran ban jaate hai. parantu aap khoobasoorat aankhon paane aur inakee sehat ko hamesha barakaraar rakhane ke lie aap nimn upaay aajama sakatee hain.

Kaise rakh sakate hain aankhon ka khyaal, jaanate hain

  • Saptaah mein ek ya do baar aankhon ko aaee loshan, triphala ya gulaabajal se saaph keejie. inase aankhon mein padee dhool-mittee va keetaanu to saaph honge hee, saath hee aankhon kee chamak bhee badhegee.
  • Khoobasoorat aankhon ke lie dhoop mein jaate samay chashma jaroor pahan len aur ho sake to chhataree ka bhee prayog karen.
  • Tee.vee. bahut der tak nahin dekhen aur hamesha door se baith kar hee dekhen. yadi kampyootar par kaary karate hain, to entee glaiyar chashme ka prayog jaroor keejie.
  • Der raat tak jaagane aur subah der tak sote rahane ka bhee aankhon par bura prabhaav padata hai. isalie samay par soen aur 6-8 ghante kee neend jastar len. aankhon kee aam samasyaon ke lie kuchh aasaan upaay
  • Khoobasoorat aankhon ko banae rakhane ke lie lagaataar kaam na karen. beech-beech mein aankhon ko band karake un par donon haathon kee hatheliyaan rakhakar kuchh minat tak vishraam dete rahen.
  • Kheere ko kaddookas kar aakhon par rakhen evan aaraam se let jaen. kuchh hee der mein aankhon kee thakaan kam mahasoos hogee.
  • Kachche aaloo ke ras mein ruee bhigokar lagaane se aankhon ke neeche ka kaalaapan door ho jaata hai.
  • Subah ke samay haree ghaas par nange paanv chalane va hariyaalee dekhane se bhee aankhon ko bahut aaraam pahunchata hai.

Aankhen aapake bin bole sab kuchh samajh jaatee hain aur aapake dil ka haal baya kar jaatee hain. aankhen hamaare shareer ka sabase khoobasoorat aur naazuk hissa hain. sahee dekhabhaal ke saath saath aankhon ko aakarshak aur sundar rakhana bhee zarooree hai. Apni Eyes Ko Beautiful Kaise Banaye Ke Upay

Aankhon ko aakarshak banaen

  • Raat ko sone se pahale gulaab jal kee 2 boonde aankhon mein daalen, isase subah aankhen tarotaaza lagengee.
  • Raat ko sone se pahale apana mekap zaroor rimoov kar den. klejing milk aankhon ke aas paas kee jagah par malen aur ruee ke geele phaahe se ponchh len.
  • Agar aapakee aankhon ke neeche kaale dhabbe hain aur rookhaapan bhee, to aap roz aankhon ke aas-paas shuddh baadaam ke tel se halkee maalish karen aur isake lie ring fingar kee ungalee ka istemaal karen. dhyaan rahe maalish sadaiv ek disha mein hee karen. maalish ke baad tel ko 15 minat laga rahane den. phir bheegee ruee ke phaahe se ponchh len. isase aap aankhon ko aakarshak bana sakatee hain.
  • Pake papeete ka gooda maish kar len. isamen ek boond shahad milaayen. ise aankhon ke aas paas lagaakar 10 minat tak rakhen ya kheere ke tukade rakhen aur 5 minat baad hata len. isase vahaan kee tvacha mein eksatra nikhaar aayega.
  • Kesar ke kuchh reshe gulaab jal mein ek ghante ke lie bhigoyen. isamen ruee ke phaahe ko bhigokar band aankhon par rakhen. 5 minat baad ise utha len. aisa karane se aankhon ke neeche kaale ghere kam ho jaate hain.
  • Baadaam aur doodh ka pest taiyaar karen aur ise 20 minat tak aankhon ke neeche lagaakar rakhen aur phir thande paanee se dho len. yah bhee kaale ghere ko door karane ka ek saral upaay hai.
  • Thode se shahad mein ande ka saphed hissa mila kar aankhon ke chaaron or lagaayen aur 20 minat baad dho len. isase aankhon ke aas paas kee tvacha ka rang saaf hoga aur kasaavat bhee aaegee.
  • Aankhon kee khoobasooratee ke lie aaraam ya neend ka poora karana behad zarooree hai. sote samay aapakee aankhen band hotee hain, jisase inhen praakrtik moishcharaizar milata hai isalie kam se kam 7 se 8 ghante kee neend zaroor len. Apni Eyes Ko Beautiful Kaise Banaye Ke Upay

Leave a Reply

Your email address will not be published.