Jeevan mein saphal hone ke lie dimaag ka svasth hona behad jarooree hai, kyonki dimaag hee hamaare sabhee bodee phankshan ko kantrol karata hai. lekin aaj kee hektik laiph mein kaee vajahon se logon ka dimaag kamajor hone laga hai. isakee kaee vajah hain. badhatee umr, khaanapaan mein badalaav, tanaav aur davaon ka jyaada istemaal karane se dimaag kamajor ho jaata hai. kahane ko yah ek aam samasya hai, lekin samay rahate is par dhyaan nahin diya jae, to aage chalakar aljaimar jaise rog bhee ho sakate hain. haalaanki, aajakal log bren boost karane vaalee davaon ka sahaara le rahe hain, lekin isake phaayade kam aur nukasaan jyaada dekhane ko milate hain. aise mein dimaag ko tej karane ke lie agar aapako ghar baithe hee kuchh upaay ya tareeke mil jae, to kaisa rahe.
Dimag Tej Karne Ke Gharelu Nuskhe
Jee haan, aise bahut se aasaan aur saral tareeke hain, jinakee madad se aap lambe samay tak apane dimaag ko svasth, javaan aur tej bana sakate hain. jab bhee svasth shareer kee baat aatee hai, to har koee pahale apanee phijikal phitanes ke baare mein sochata hai. lekin svasth shareer ke saath svasth dimaag ka hona bhee jarooree hai. svasth dimaag vaala vyakti jeevan ke har star par apanee alag pahachaan banaane mein kaamayaab hota hai. kuchh logon ka dimaag kamajor hota hai, jis kaaran unhen kaee cheejen yaad nahin rahateen, vaheen kuchh logon kee kansantreshan povar bhee kamajor hotee hai, jis kaaran vah kisee cheej par theek se phokas nahin kar paate. agar aapako bhee kuchh aisee hee samasyaon se gujarana padata hai, to aaj ke is aartikal mein ham aapako bataane ja rahe hain, dimaag ko tej karane ke kuchh kaamayaab ghareloo nuskhe. yakeenan, inhen apanaakar aap apane dimaag kee kshamata ko das guna tej kar sakate hain.
Dimaag tej karane ke aasaan tareeke
Kaee vyastataon ke kaaran cheejen bhoolana saamaany hai. yadi aapako bhee koee baat der tak yaad nahin rahatee, kuchh rakh kar bhool jaate hain, padha hua yaad nahin rakh paate, to yaadadaasht mein sudhaar karane aur bhavishy mein in samasyaon se bachane ke lie neeche hamaare dvaara batae gae ghareloo upachaar aajamaakar dekh sakate hain. inase aapako dimaag tej karane mein bahut madad milegee.
Dimaag tej karane ka ghareloo upaay soorajamukhee ke beej
Soorajamukhee ke beej aapaka dimaag tej karane ka sabase behatar ghareloo upaay hai. in beejon mein vitaamin e aur ameeno esid kee maatra adhik hotee hai, jo hamaare dimaag kee thakaavat ko door kar memoree ko shaarp banaatee hai. rojaana isaka sevan karane se dimaag ke kognitiv phankshan mein tejee se sudhaar aata hai aur mushkil cheejen bhee aasaanee se yaad rahane lagatee hain. is nuskhe ko taiyaar karane ke lie 100 graam alasee, 100 graam kaddoo ke beej, 100 graam soorajamukhee ke beej aur 50 graam saumph mein 50 graam mishree milaen. in sabhee saamagree ko miksar mein peesakar ek paudar bana len aur subah shaam ek-ek chammach isaka sevan khaane ke baad karen. aapako bata den, ki kaddoo ke beej mein poshak tatvon ka bhandaar hai, isamen maujood vitaamin e, ee, jink, omega-3 phaitee esid smaran shakti ko majoobat karate hain aur sochane kee kshamata ko bhee tej karate hain.
Akharot se tej karen apana dimaag
Akharot aapake dimaag ko tej karane aur sochane kee kshamata ko badhaata hai. inamen omega-3 phaitee esid hote hain. ye phaitee esid aapake dimaag kee hiphaajat karane ke saath ise khataranaak beemaariyon se bhee bachaate hain. akharot aapake dimaag mein blad vaisals ke andar khoon ke bahaav ko behatar banaane mein madad karata hai. isake alaava, isamen maujood vitaamin bee-6 aur maigneeshiyam aapake dimaag ko heldee rakhate hain. isalie rojaana apanee dait mein do se teen akharot jaroor len. dhyaan rakhen, ki raat mein akharot paanee mein bhigoen aur aur subah uthakar inhen khaen. niyamit roop se isaka sevan karane se dimaagee kamajoree ko bahut kam samay mein door kar lenge.
Tej dimaag ke lie peeen garm doodh
Garm doodh ka ghareloo upaay aapakee yaadadaasht badhaane mein aapakee bahut madad karega. isaka istemaal karane ke lie garm doodh ke saath shahad aur ilaayachee paudar milaen. raat mein sone se pahale ise pee len. rojaana aisa karane se aapaka bren shaarp ho jaega.
Yaadadaasht tej karane ke lie peeen green tee
Haal hee mein hue ek shodh ke mutaabik, green tee aapake dimaag kee propar phankshaning ke lie bahut jarooree hai. green tee yaadadaasht ko badhaane mein sahaayak hai. isamen maujood kampauds kamajor ho chuke bren sels ko ripeyar karane mein bhee madad karate hain. isake alaava green tee kee pattiyon mein ek tarah ka ameeno esid paaya jaata hai. jaapaan mein huee ek risarch ke anusaar yah esid tanaav ko kam kar dhyaan kendrit karane mein madad karata hai. dimaag tej karane ke lie green tee ke bahut phaayade hain. isamen maujood kaipheen thakaan door kar dinabhar aapako chust aur phurteela banae rakhata hai. isalie dinabhar mein ek se do kap green tee ka sevan jaroor karana chaahie.
Dimaag tej karane ka ghareloo upaay dhyaan karen
Mediteshan yaani dhyaan aapake svaasthy par kaee tarah se sakaaraatmak prabhaav daalata hai. yah tanaav ko kam karane aur memoree mein sudhaar karane ka bahut achchha tareeka hai. kaee shodhon se pata chala hai, ki mediteshan dimaag mein gre padaarth ko badha sakata hai aur sthaanik kaary smrti mein sudhaar kar sakata hai. vaheen aap yog kee madad se bhee dimaag ko tej bana sakate hain. yog maanasik svaasthy ko svasth banae rakhane ke lie bahut achchha hai. soory namaskaar shaareerik aur maanasik vikaas ke lie sabase achchha yog hai.
Paanee peene se badhata hai dimaag ka pratikriya samay
Paanee peene se mastishk adhik tezee se pratikriya karata hai. pyaase logon kee tulana mein, paanee se trpt logon mein 14 pratishat adhik tezee se pratikriya hotee hai. aisa kaha jaata hai ki agar aap kisee zarooree kaam se ja rahe hain ya kisee pareeksha mein baithe hain to pahale paanee pee leejiye kyonki isase aap cheezen bhoolate nahin. jarnal oph poshan risarch ke anusaar, thoda nirjaleekaran (daihydration) hone par shareer aapake mastishk se paanee kee kamee pooree karata hai. aapake mastishk ke jeevit rahane ke lie bhee paanee bahut zarooree hai. shareer mein paanee kee maatra aapake mootr se pata kee ja sakatee hai. agar aap kaaphee ghanton se mootr tyaagane nahin gae hain ya aapake mootr ka rang atyadhik peela hai to aapako paanee peene kee zaroorat hai.
Dimaag tez karane ke lie tanaav se door rahen
Kabhee kabhee aap chhotee chhotee cheezen bhool jaate hain jaise chaabhee kahaan rakhee thee ya subah naashta kiya ya nahin aadi. ye alpaavadhi ke lie cheezen bhoolane ka kaaran tanaav ho sakata hai. aapake aas paas din mein laakhon cheezen hotee hain aur sabako yaad rakhana mumakin nahin hai lekin jab zarooree cheezon ko yaad rakhana mushkil ho jaata hai to mastishk ko us samay ek cheez se doosaree cheez mein adala badalee karane mein pareshaanee hotee hai. aisa tanaav ke kaaran hota hai. isalie jitana ho sake dhyaan karake, madhur sangeet sunakar aur apane aapako vyast rakhakar tanaav se door rahen.
Dimaag tej karane ka sabase aasaan upaay hai daalacheenee aur shahad
Paanch se aath graam daalacheenee paudar shahad mein milaakar roz lene se dimaag kee kamazoree door hotee hai aur dimaag tez hota hai.
Dimaag tej karen braahmee se
Braahmee dimaagee shakti ke bahut hee prasiddh jadeebootee hai. ek chammach braahmee ka ras roz lene se ya ddah se saat braahmee ke patte roz chabaane se dimaag aur tez hota hai.
dimaag kee smrti shakti ko badhane ke upachaar
Baadaam: ek gilaas paanee leejiye aur 5-7 baadaam ke lege paanee mein gala de| aur raat bhar rakhe rahane de phir subah uth kar baadaam ke chhilake ko nikal le aur baareeq pest bana le is pest mein 2 chammach shahad milaakar is pest ko ek gilaas doodh mein milakar pee le|
Baadaam dimaag ko tej karata hain
Aur doodh ko peene ke ek ghante tak kuchh bhee nahin khaana peena chaahie. aap chaahe to is baadaam ke pest ko makkhan ke saath aur mishree ke saath bhee kha sakate hai| aap yadi es upaay ko roj karate hain. to aapaka dimaag kampyootar kee tarah tej ho jaayega|
Akharot: dimaag ko tez karane ke lie 20 graam akharot aur 10 graam kishamish ko rojaana khaen. isase aapaka dimaag bahut tej ho jaayega| aur garmee ke dinon mein aap is upaay ko kam kar den. kyoki ye garmee karata hai. isalie garmee ke dinon mein inaka sevan kam hee karana chaahie|
Kaalee mirch: 5 se 7 kaalee mirch leejiye aur usame 25-30 graam makkhan aur mishree mila len aur phir khaen| isase aapake dimaag kee kamajoree door ho jaatee hai. aur kaam mein man lagane lagata hai|
Ghee kee maalish: aapake dimaag kee kamajoree ko door karane ke lie ghee sabase achchha hai. gaay ke doodh se nikale hue ghee ko le| aur usase aapane dimaag kee maalish karen. isase aapaka dimaag tez. ho jaayega aur dimaag kee kamajoree bhee door ho jaegee|